سياسة الخصوصية

الموقع ده بتاع سيبر مكة (الإسكندرية) ومعمول عشان تحجز جهاز أو غرفة في فروعنا. بنجمع أقل بيانات ممكنة.

بنجمع إيه؟

• اسمك ورقم موبايلك: عشان الفرع يعرف الحجز بتاع مين ويكلمك لو فيه تغيير.
• تفاصيل الحجز: الفرع والنوع والميعاد والملاحظة اللي بتكتبها.
• الاسم اللي حوّلت منه الـ deposit لو كتبته: عشان نلاقي التحويل بسرعة.
• عنوان الـ IP ورقم عشوائي للمتصفح: للحماية من الطلبات الكتير والإزعاج بس (الفرع يقدر يمنع اللي بيزعج).

بنستخدمها في إيه؟

في إدارة حجزك بس. مش بنبيع بياناتك، ومش بنستخدمها في إعلانات، ومش بنبعتلك رسايل تسويق.

تأكيد الـ deposit

موبايل الفرع بيقرا إشعارات ورسايل التحويل اللي بتوصله من تطبيقات InstaPay وTelda والبنوك بس، عشان يربط تحويلك بحجزك تلقائيًا. الرسايل دي بتتحفظ على سيرفرنا مدة محدودة للمراجعة.

بنحتفظ بيها قد إيه؟

اسمك ورقمك ورسايل التحويل بتتمسح تلقائيًا بعد 90 يوم من ميعاد الحجز. سجل الـ IP بيتمسح بعد يومين.

على جهازك

المتصفح بيحفظ لينك متابعة حجوزاتك عشان تلاقيها لما ترجع للموقع. مفيش كوكيز تتبع ولا أي خدمات إعلانات أو إحصائيات خارجية.

عايز تمسح بياناتك؟

كلّم أي فرع من فروعنا (تليفون أو واتساب من الصفحة الرئيسية) وهنمسحها.